नेपालमाला
२ असार २०७८, बुधबार 
काठमाडौं : मेलम्ची र इन्द्रावती नदीमा आएको बाढीमा घाइते भएका तीनजना चिनियाँ नागरिक र तीनजना नेपाली नागरिकलाई उपचारका लागि काठमाडौं ल्याइएको छ ।
उनीहरुलाई नेपाली सेनाको हेलिकोप्टरबाट काठमाडौं पठाइएको सिन्धुपाल्चोकका सहायक प्रमुख जिल्ला अधिकारी बाबुराम खनालले जानकारी दिए ।
खनालका अनुसार हालसम्म ७ जना बेपत्ता भएको जानकारी प्राप्त भएको र एकजना पुरुषको शव फेला परेको छ । उद्धारकार्य जारी छ ।मेलम्ची नगरपालिका र इन्द्रावती गाउँपालिका जोड्ने पुललगायत अन्य केही पुल भत्केका छन् । पुलबाट आवजजावत गर्न नमिल्ने भएपछि उद्धारमा केही कठिनाई भइरहेको खनालले बताए ।
