कोरोनाको उच्च जोखिममा काला जाति, गोराको तुलनामा चार गुणा जोखिम

लण्डन : बेलायतमा कोरोना भाइरसका कारणअश्वेत जातिका मानिसको मृत्यु हुने सम्भावना गोराहरुको तुलनामा चार गुणा बढी भएको बताइएको छ ।

हालै सार्वजनिक गरिएको एक अनुसन्धानले यस्तो जनाएको हो । काला जातिका मानिसको मृत्युदर अन्य आदिवासीहरुको तुलनामा पनि बढी नै भएको उक्त रिपोर्टमा उल्लेख छ । राष्ट्रिय तथ्यांक कार्यालयले बिहीबार सार्वजनिक गरेको उक्त तथ्यांक अनुसार कालो जातिमा पनि क्यारेबियन महिलाहरुको जीवन कोभिड १९ का कारण बढी नै जोखिममा रहेको छ ।

उनीहरुको मृत्युको सम्भावना गोरा महिलाहरुको तुलनामा ४ दशमलब ३ प्रतिशतका दरले बढी रहेको तथ्यांकमा उल्लेख छ । जब कि, कालो जाति पुरुषहरुको सम्भावना ४ दशमलब २ प्रतिशतका दरले बढी छ ।

यसवाहेक बंगलादेशी, पाकिस्तानी, भारतीय र मिश्रित आदिवासीहरुको जीवन पनि कोभिड १९ का कारण अन्यको तुलनामा बढी नै जोखिममा रहेको बताइएको छ । बेलायतमा कोभिड १९ का कारण अस्वेत मानिसहरुको मृत्युको तथ्यांक उच्च छ ।

बेलायतको यो नयाँ तथ्यांक अमेरिकासँग पनि मेल खान्छ । जहाँ गत अप्रिलमा नै यस्तै अनुसन्धान गरिएकोमा गोराको तुलनामा काला जातिको मृत्युदर बढी रहेको पाइएको थियो । पछिल्लो समय कोभिड १९ का कारण युरोपका देशमध्ये सबैभन्दा धेरै मृत्यु युकेमा भएको छ । जहाँ ३० हजार भन्दा धेरैको मृत्यु भइसकेको छ ।

0 0 vote
Article Rating

LEAVE A COMMENT

guest
0 Comments
Inline Feedbacks
View all comments