एपीएफले रेलिगेसन टा¥यो

काठमाडौं : सहिद स्मारक ‘ए’ डिभिजन लिग फुटबलमा विभागीय टोली एपीएफले रेलिगेसनको खतरा करिब टारेको छ । सोमबार भएको खेलमा एपीएफले फ्रेन्ड्स क्लबलाई पराजित गर्दै रेलिगेसन खतरा टारेको हो ।

एन्फा कम्प्लेक्स सातदोबाटोमा सोमबार भएको खेलमा एपीएफले फ्रेन्ड्सलाई ५–२ गोलले हरायो । एपीएफको जितमा आशिष लामा र प्रविण स्याङ्तानले दुईदुई गोल गरे । यस्तै कप्तान टोपबहादुर विष्टले एक गोल थपेका थिए । फ्रेन्ड्सका विश्व अधिकारी र फिलिप डी सौजाले एक÷एक गोल गरे ।

फ्रेन्ड्स पहिलो हाफमै २–० ले पछि परेको थियो । खेलको १२ औं मिनेटमा आशिषले गोल गर्दै एपीएफलाई सुरुवाती अग्रता दिलाएका थिए । ४० औं मिनेटमा आशिषले व्यक्तिगत दोस्रो गोल गर्दै एपीएफलाई २–० को अग्रता दिलाए । खेलको ९६ औं मिनेटमा फिलिपले गोल गर्दै फ्रेन्ड्सलाई २–१ को स्थितिमा ल्याए । ७१ औं मिनेटमा प्रविणले गोल गर्दै एपीएफलाई ३–१ को अग्रता दिलाए । ७६ औं मिनेटमा फ्रेन्ड्सका विश्वले गोल गर्दा खेल ३–२ को स्थितिमा पुग्यो ।

 

त्यसपछि खेलको इन्जुरी समयमा एपीएफले लगातार दुई गोल ग¥यो । इन्जुरी समयको चौंथो मिनेटमा कप्तान टोपले गोल गर्दै एपीएफलाई ४–२ को अग्रता दिलाए । त्यसको एक मिनेट नबित्दै प्रविणले व्यक्तिगत दोस्रो गोल गर्दै एपीएफलाई ५–२ को सानदार जित दिलाए ।
एपीएफको लिगमा यो दोस्रो जित हो । जितसँगै एपीएफले १२ खेलमा ८ अंक जोडेको छ । एपीएफ पुछारबाट दोस्रो स्थानमा रहेको छ । फ्रेन्ड्स १२ खेलमा १४ अंक जोडेर लिगको नवौं स्थानमा रहेको छ ।

एपीएफको जितसँगै पुछारको सरस्वती भने रेलिगेसन नजिक पुगेको छ । सरस्वती ११ खेलमा ४ अंक जोडेर पुछारमा छ ।

आशिष सर्वाधिक गोकर्ता


एपीएफ क्लबका फरवार्ड आशिष लामा सहिद स्मारक ‘ए’ डिभिजन लिग फुटबलको सर्वाधिक गोलकर्ताको शीर्ष स्थानमा उक्लिएका छन् ।

लिगको १२ औं चरण अन्तर्गत सोमबार फ्रेन्ड्स क्लबविरुद्ध दुई गोल गरेसँगै आशिष शीर्ष स्थानमा उक्लिएका हुन् ।

एन्फा कम्प्लेक्स सातदोबाटोमा फ्रेन्ड्सविरुद्ध दुई गोल गरेसँगै आशिषले जारी लिगमा आफ्नो गोल संख्या ८ पु¥याएका छन् । आशिषले च्यासल युथ क्लबका सन्तोष साहुखललाई १ गोलले पछि पार्दै शीर्ष स्थान ओगटेका हुन् । सन्तोष ७ गोल गरेर दोस्रो स्थानमा रहेका छन् । यस्तै त्रिभुवन आर्मी क्लबका नवयुग श्रेष्ठ ६ गोलसहित तेस्रो स्थानमा रहेका छन् ।

0 0 vote
Article Rating

LEAVE A COMMENT

guest
0 Comments
Inline Feedbacks
View all comments