निर्वाचित प्रतिनिधिलाई तरुण दलको सम्मान

काठमाडौं : नेपाली कांग्रेसको १४औं महाधिवेशनमा काठमाडौंको नागार्जुन नगरपालिका वडा नम्बर ७, ९ र १० का निर्वाचित वडा पदाधिकारी र क्षेत्रीय प्रतिनिधिहरुलाई नेपाल तरुण दल नागार्जुन नगरपालिका वडा नं १० समितिले बुधबार सम्मान गरेको छ ।
कलंकीस्थित अब्रेला इभेन्ट्समा आयोजना गरिएको कार्यक्रममा नेपाल तरुण दल नागार्जुन नगरपालिका वडा नं १० समितिका अध्यक्ष सन्तोष बुढाथोकीले निर्वाचित पदाधिकारी र प्रतिनिधिहरुलाई सम्मान गरेका हुन् । नेपाली कांग्रेसको १४औं महाधिवेशनमा नागार्जुन नगरपालिकाको वडा नम्बर ७ को सभापतिमा उज्ज्वल दवाडी, वडा नम्बर ९ मा रामकृष्ण भट्टराई र वडा नम्बर १० को सभापतिमा सुन्दरबहादुर केसी निर्वाचित भएका थिए ।
कार्यक्रममा नेपाली कांग्रेसका केन्द्रीय सदस्य किरण गिरी, बागमती प्रदेशसभा उम्मेदवार धर्मराज गौतम, वरिष्ठ नेता दामोदर गौतम, नेता श्याम खड्का, राजन केसी, महिला नेत्री कल्याणी खड्का, सुन्दर पन्त, ७ नम्बर वडा अध्यक्ष रमेशप्रसाद गौतमलगायतको उपस्थिति रहेको थियो ।