म्यानचेस्टर सिटीलाई प्रिमियर लिगको उपाधि

काठमाडौं : म्यानचेस्टर सिटीले इङ्लिस प्रिमियर लिग फुटबलको उपाधि जितेको छ । मंगलबार राति भएको खेलमा दोस्रो स्थानमा रहेको म्यानचेस्टर युनाइटेड पराजित भएपछि सिटीले उपाधि जितेको हो ।
म्यानचेस्टर युनाइटेडको घरेलु मैदानमा भएको खेलमा युनाइटेड लेष्टर सिटीसँग २–१ ले पराजित भएको हो । लेस्टर सिटीलाई जित दिलाउन लुक थोमस र काग्लर सोयन्चुले एक÷एक गोल गरे । म्यानचेस्टर युनाइटेडका मासन ग्रिनउडले एक गोल गरे पनि जितका लागि पर्याप्त हुन सकेन ।
यससँगै म्यानचेस्टर सिटीले पाँचौं पटक प्रिमियर लिगको उपाधि जितेको छ । यस्तै पछिल्लो चार वर्षमा सिटीले तेस्रो पटक लिग जितेको हो । सिटीले तीन खेल बाँकी छँदै उपाधि जितेको हो ।सिटी दोस्रो स्थानको म्यानचेस्टर युनाइटेड भन्दा १० अंकले अघि रहेको छ ।
शीर्ष स्थानको सिटीले ३५ खेलमा ८० अंक जोडेको छ । म्यानचेस्टर युनाइटेडको ७० अंक रहेको छ ।