नेपालमाला
२६ माघ २०७७, सोमबार 
काठमाडौं : नेपाल तेक्वान्दो संघले नवनियुक्त युवा तथा खेलकुदमन्त्री दावा लामा तामाङलाई बधाइ ज्ञापन गरेको छ । सातदोबाटोस्थित संघको केन्द्रीय कार्यालयमा सोमबार विशेष कार्यक्रम गरी मन्त्री तामाङलाई बधाइ दिएको हो ।
संघका उपाध्यक्ष भरत महर्जनले सफल कार्यकालको शुभकामना दिँदै बधाइ ज्ञापन गरेका थिए । उनले संघको तर्फबाट मन्त्री तामाङलाई मायाको चिनो पनि प्रदान गरेका थिए ।
कार्यक्रममा संघका महासचिव दीपराज गुरुङले खेलकुद मन्त्रीमा तामाङको नियुक्तिसँगै नेपाली खेलक्षेत्रमा नयाँ उत्साह र आशा पलाएको बताए । उनले संघहरुले भोग्नुपरेका समस्याहरुका बारे जानकारी गराएका थिए ।
कार्यक्रममा राष्ट्रिय टोलीका खेलाडी, संघका पदाधिकारी, प्रशिक्षक र खेलप्रेमीहरुको उपस्थिति रहेको थियो ।
