नेपालमाला
२६ माघ २०७७, सोमबार 
काठमाडौं : पछिल्लो २४ घण्टामा थप १३० जनामा कोरोना भाइरस (कोभिड-१९) संक्रमण पुष्टि भएको छ । ६१ महिला र ६९ पुरुषमा संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ। यो सहित कोरोना संक्रमितको संख्या २ लाख ७२ हजार ५५ पुगेको छ। पछिल्लो २४ घन्टामा ३ हजार ३३३ स्वाब परीक्षण गराउँदा १३० जनामा कोरोना संक्रमण देखिएको हो।
यस्तै सोमबार थप १९४ जना डिस्चार्ज भएका छन्। यो सहित निको हुनेको संख्या २ लाख ६८ हजार २६६ पुगेको स्वास्थ्य तथा जनसंख्या मन्त्रालयले जनाएकोछ। यस्तै सोमबार कोरोनाबाट थप ७ जनाको मृत्यु भएको छ। यो सहित मृत्यु हुनेको संख्या २ हजार ४५ पुगेको छ।
अहिले १७ सय ४४ जना आइसोलेसनमा छन् भने ९२ जना क्वारेन्टाइनमा छन् । मन्त्रालयका अनुसार ६३ जनाको आइसीयू र १७ जनाको भेन्टिलेटरमा उपचार भइरहेको छ।
काठमाडौं उपत्यकामा भने २५ महिला र ३३ पुरुष गरी ५८ जनामा कोरोना संक्रमण देखिएको छ।
माघ १४ गतेबाट सुरु भएको कोरोना विरुद्धको खोपको दोस्रो चरणको अभियान सोमबारबाट सुरु भएको छ। पहिलो चरणको खोप अभियान शनिबार सकिएको हो।
