बुधबार पाँच सय ११ कोरोना संक्रमित थपिए

काठमाडौं : पछिल्लो २४ घण्टामा पाँच सय ११ कोरोना भाइरस (कोभिड–१९) संक्रमित थपिएका छन् । स्वास्थ्य तथा जनसंख्या मन्त्रालयका अनुसार ६०० डिस्चार्ज भएका छन् भने सात जनाको मृत्यु भएको छ ।

योसँगै नेपालमा कुल संक्रमितको संख्या २ लाख ६० हजार ५९ पुगेको छ भने २ लाख ५१ हजार ९१२ जना डिस्चार्ज भएका छन् । अहिलेसम्म नेपालमा कोरोनाले १८ सय ४७ जनाको मृत्य भएको छ ।

मन्त्रालयका अनुसार अहिलेसम्म १९ लाख २६ हजार ४७७ जनाको पीसीआर भएको छ । अहिले ६ हजार ३०० जना आइसोलेसनमा छन् भने ३६२  जना क्वारेन्टाइनमा छन् ।