नेपालमाला
११ पुष २०७७, शनिबार 
काठमाडौं : शनिबार काठमाडौं उपत्यकामा थप २६७ जनामा कोरोना भाइरस संक्रमण देखिएको छ। शनिबार संक्रमित हुनेमा एक यि ५० पुरुष र एक सय १७ महिला छन्। अहिले काठमाडौंमा तीन हजार १४, ललितपुरमा चार सय ३९ र भक्तपुरमा एक सय ८७ जना सक्रिय संक्रमित छन् । अहिलेसम्म काठमाडौंमा ४६०, ललितपुरमा १४५ र भक्तपुरमा ९८ जनाको मृत्यु भइसकेको छ ।
पछिल्लो २४ घण्टामा देशभर थप ५०० जनामा कोरोना भाइरस (कोभिड-१९) संक्रमण देखिएको छ। थपिएका संक्रमितमा २१३ जना महिला र २८७ जना पुरुष रहेका छन्। नयाँ थपिएकासहित कोरोना संक्रमितको संख्या २ लाख ५७ हजार ७ सय पुगेको छ। ५ हजार ४३४ जनाको पीसीआर परीक्षण गराउँदा ५०० जनामा संक्रमण देखिएको मन्त्रालयले जनाएको छ।
त्यस्तै काठमाडौं उपत्यकामा २६७ जनालाई कोरोना संक्रमण पोजिटिभ देखिएको स्वास्थ्य मन्त्रालयले जनाएको छ ।
यस्तै शनिबार ८४० जना डिस्चार्ज भएका छन्। योसहित कोरोना जित्नेको संख्या २ लाख ४९ हजार १३२ पुगेको स्वास्थ्य मन्त्रालयले जनाएको छ। देशभर सक्रिय संक्रमितको संख्या भने ६ हजार ७४९ रहेको छ। अहिलेसम्म कोरोनाबाट मृत्यु हुनेको संख्या १ हजार ८१९ पुगेको मन्त्रालयले जनाएको छ। शनिबार मात्र कोरोनाबाट थप ३ जनाको मृत्यु भएको छ।
