नेपालमाला
१३ भाद्र २०७९, मंगलवार 
काठमाडौं : एटेमी कराते संघका चार खेलाडीले प्रदेश छनोट खेल्ने भएका छन् । नवौं राष्ट्रिय खेलकुद प्रतियोगिताअन्तर्गत फुलकन्ट्याक्ट करातेको जिल्ला छनोटमा उत्कृष्ट प्रदर्शन गर्दै उनीहरुले प्रदेश छनोट खेल्न लागेका हुन् ।
एटेमी कराते डो संघका अध्यक्ष एवं ब्रान्च चिफ प्रदीप थापाका अनुसार नुवाकोटबाट तीन र काठमाडौंबाट एक खेलाडी जिल्ला छनोट हुन सफल भएका हुन् । पुरुष ६५ केजीमा काठमाडौंका विशाल खड्का, नुवाकोटबाट हेभिवेटमा प्रियवत थापा, महिलाको ५० केजीमा सोफिला तामाङ र महिलाकै ४० केजी तौल समूहमा कृष्मा लामा जिल्ला छनोट हुन सफल भएका हुन् ।
एटेमी करातेले काठमाडौंको बालाजु, बानियाँटारलगायतका साथै नुवाकोट, पर्सा, चितवन, मकवानपुर, दाङ रुकुम, रोल्पालगायतका जिल्लाका विभिन्न स्थानमा प्रशिक्षण दिँदै आएको छ ।
