हैटीमा भूकम्प : मृत्यु हुनेको संख्या ३०४ पुग्यो

काठमाडौं : हैटीमा शनिबार ७.२ म्याग्नेच्युडको भूकम्प जाँदा ज्यान गुमाउनेको संख्या ३०४ पुगेको छ । दक्षिण पश्चिम हैटीमा केन्द्रबिन्दु भएको भूकम्पमा परी अहिलेसम्म एक हजार ८०० भन्दा धेरै घाइते भएका बीबीसीले जनाएको छ । घाइते हुनेहरुको संख्या बढ्न सक्ने बताइएको छ ।

भूकम्पले घर, विद्यालय, चर्च र होटलहरू भत्किएका छन् ।  भूकम्पपछि लगातार आइरहेका परकम्पहरूले उद्धार र राहतमा कठिनाइ भएको सरकारी अधिकारीहरुले जनाएका छन् ।

भूकम्पको केन्द्रबिन्दु भएको क्षेत्र निरीक्षण गर्दै प्रधानमन्त्री एरियल हेनरीले एक महिनाका लागि संकटकाल घोषणा गरेका छन् ।