नेपालमाला
२० असार २०७८, आईतवार 
रियो दी जेनेरियो : उरुग्वे कोपा अमेरिका फुटबलको अन्तिम आठबाटै घर फर्किएको छ । आइतबार बिहान भएको खेलमा कोलम्बियासँग पराजित भएपछि उरुग्वे क्वार्टरफाइनलबाट अगाडि बढ्न नसकेको हो ।
आइतबार बिहान भएको खेलमा कोलम्बियाले उरुग्वेलाई पेनाल्टी सुटआउटमा पराजित गरेको हो । निर्धारित समयको खेल गोलरहित बराबरीमा सकिएपछि निर्णय पेनाल्टी सुटआउटबाट लिइएको थियो । जसमा कोलम्बियाले उरुग्वेलाई ४–२ गोलले पराजित ग¥यो ।
उरुग्वेका जोस जिमेनेज र मार्टियस भिनाले पेनाल्टीमा गोल गर्न सकेनन् । इडिन्सन काभानी र लुइस स्वारेजले गोल गरे पनि टोलीको हार टार्न सकेनन् । डेविड ओस्पिनाले दुई महत्वपूर्ण पेनाल्टी रोक्दै उरुग्वेलाई स्तब्ध बनाएका थिए ।
कोलम्बियाका डुभान जापटा, डेभिडसन सान्चेज, यारी मिना र मिगुएल बोर्जाले गोल गरेका थिए । कोलम्बियाले फाइनल प्रवेशका लागि अर्जेन्टिना र इक्वेडरबीचको विजेतासँग प्रतिस्पर्धा गर्नेछ ।
