नेपालमाला
१२ असार २०७८, शनिबार 
काठमाडौं : इन्द्रावती नदीले कटान जारी राखेको छ । असार १ र ३ गते आएको भीषण बाढी पनि थामिइनसकेको स्थानीयले बताएका छन् । मेलम्चीको मुहान भ्रोमथाङ क्षेत्रमा खसेको पहिरोका कारण अहिले पनि मेलम्ची नदीले लेदो ल्याइरहेको छ ।
त्यही लेदोका कारण इन्द्रावतीले मेलम्ची बजार क्षेत्रमा कटान गरिरहेको र बिहानै गोपाल दुलालको तीनतले घर बगाएको स्थानीयले बताएका छन् । असार १ गतेको बाढीले उनको घर तलको धानखेत बगाएको थियो । खेत बगाए पनि खोलाले धार परिवर्तन गरेका कारण घर जोगिएका थियो । तर, शनिबार बिहानैदेखि नदीको बहाव बढेको र घर बगाएको स्थानीयको भनाइ छ ।
अहिले मेलम्ची, इन्द्रावती नदीको दुवैतर्फ तटबन्द बनाउन त सुरु गरिएको छ । तर, अविरल वर्षात्का कारण कटानमा कमी नआएको स्थानीयले बताएका छन्
