मंगलबार ४५२२ कोरोना संक्रमित थपिए, ४१ जनाको मृत्यु

कोरोना संक्रमणबाट पछिल्लो २४ घण्टामा ४१ जनाको मृत्यु भएको छ र ४ हजार ९५४ जना संक्रमणमुक्त भएका छन् ।

नेपालमा कोरोना संक्रमितको कुल संख्या ६ लाख ५४ हजार ४७० पुगेको छ । तीमध्ये हालसम्म ५ लाख ६४ हजार ८८२ जना निको भएका छन् भने ८ हजार ८१३ जनाको मृत्यु भएको छ ।

मन्त्रालयका अनुसार हाल देशभर सक्रिय संक्रमितको संख्या ५२ हजार ६४८ रहेको छ । जसमध्ये ४९ हजार ४२५ जना होम आइसोलेसनमा रहेका छन् भने ३ हजार २२३ जना संस्थागत आइसोलेसनमा रहेका छन् । संक्रमितमध्ये ७६१ जनाको आईसीयू र २१८ जनाको भेन्टिलेटरमा उपचार भइरहेको छ  ।

पछिल्लो २४ घण्टामा थपिएका संक्रमितमध्ये ४७६ जना काठमाडौं उपत्यकाका हुन् । जसमा काठमाडौंका ३१०, ललितपुरका ९९ र भक्तपुरका ६७ जना छन् । यस्तै झापामा १७४, सुनसरीमा ९६, चितवनमा ९०, धादिङमा ८६ र मोरङमा ७० जनामा संक्रमण देखिएको छ ।