उरुग्वे र चिलीको बराबरी

रियो दी जेनेरियो : उरुग्वे र चिलीले कोपा अमेरिका फुटबलमा बराबरी खेलेका छन् । मंगलबार बिहान भएको खेलमा चिलीले सुरुवाती अग्रता जोगाउन नसक्दा उरुग्वेसँग १–१ गोलको बराबरी खेलेको हो ।
एरिना पान्टानल कुइउवा माटो ग्रासोमा चिलीका एडवार्डाे भर्गासले गोल गर्दा उरुग्वेले आर्टुरो भिडालको आत्मघाती गोल उपहार पाएको थियो ।
खेलको २५औं मिनेटमा एडवार्डाे भर्गासको गोलबाट चिलीले अग्रता लिएको थियो । उनले बिन बेरेन्टेनको पासमा गोल गरेका थिए । ६५औं आर्टुरो भिडालले आत्मघाती गोल गरेपछि उरुग्वेले खेल १–१ गोलको बराबरी गरेको थियो । लुइस स्वारेजको प्रहार भिडाललाई लाग्दै गोलमा परिणत भएको थियो ।
यो बराबरीपछि चिली तीन खेलबाट पाँच अंक जोड्दै समूह ‘ए’ मा दोस्रो स्थानमा छ । पहिलो अंक जोडेको उरुग्वेले दुई खेलबाट एक अंक जोडेर चौथो स्थानमा उक्लिएको छ । अर्जेन्टिना शीर्षस्थानमा रहँदा पाराग्वे तेस्रो स्थानमा रहँदाअंकविहीन बोलिभिया पुछारमा छ ।