नेपालमाला
३ चैत्र २०७७, मंगलवार 
काठमाडौं : नेपाल लोकतान्त्रिक खेलकुद संघ बागमती प्रदेशले महिला क्रिकेट टोली डीएससी काठमाडांैलाई सम्मान गरेको छ । द अरनिको ट्रफी २०२१ मा विजयी भएर फर्किएको डीएससी महिला टोलीलाई संघले ३० हजार रुपैयाँ र प्रशंसापत्रद्वारा सम्मान गरेको हो ।
खेलाडीलाई पूर्वस्वास्थ्यमन्त्री एवं काठमाडौं क्षेत्र नं. ४ का प्रतिनिधिसभा सांसद गगनकुमार थापाले सम्मान गरे । महिला क्रिकेट खेलाडीको स्तरोन्नति र क्षमता अभिवृद्धि गर्ने उद्देश्यले फागुन ६, ७ र ८ गते पोखरामा डीएससी र गण्डकी प्रदेशबीच ५० ओभरको तीनवटा एकदिवसीय मैत्रीपूर्ण खेल आयोजना गरिएको थियो । डीएससी तीनै खेलमा विजयी भएको थियो ।
नेपाल लोकतान्त्रिक खेलकुद संघ बागमती प्रदेशका संयोजक दीपक गुरुङले खेलाडीको होसला बढाउनका लागि सम्मान गरिएको जानकारी दिए ।
