नेपालमाला
४ माघ २०७७, आईतवार 
काठमाडौं : नेविसंघका प्रभावशाली नेता एवं शंकरदेव क्याम्पसका पूर्व स्ववियु सभापति शुभराम बस्नेतमाथि लगाइएको मुद्दा झुठो सावित भएको छ । उनीमाथि लगाइएको मुद्दामा सरकारको दावी नपुग्ने भन्दै जिल्ला अदालत सोलुखुम्बुले आइतबार सफाइ दिएको हो ।
नेपालको विद्यार्थी र लोकतान्त्रिक आन्दोलनमा लामो समयदेखि क्रियाशील बस्नेतको राजनीतिक उचाई देखेर अत्तालिएकाहरुले झुठो मुद्दा लगाएर फसाउन खोजे पनि उनीहरुको मनसुवा सफल हुन सकेन । प्रशासनको आडमा केही दिन काल कोठरीमा राखे पनि अन्ततः उनी निर्दोष सावित भए ।
बस्नेतलाई गत जेठ १६ गते सोलुखुम्बुको लिखुपिके भन्ने स्थानबाट पक्राउ गरेको थियो । त्यसलगत्तै प्रशासनले शरीर बन्धक, सांगठनिक अपराधलगायतको मुद्दा लगाउँदै २५ दिन हिरासतमा राखेको थियो ।
नुम्बुर हिमाल हाइड्रोपावर प्रालिले परियोजनास्थलमा पर्ने जग्गाको मुआब्जा नदिई स्थानीय व्यक्तिहरुको जग्गा कब्जा गरेको विषयमा लिखुखोला सरोकार समितिका अध्यक्षसमेत रहेका शुभराम बस्नेतको रोहवरमा भैरवकुमार बस्नेतलाई मुआब्जा दिने विषयमा हाइड्रो पावरका प्रतिनिधि राजनकुमार खत्रीले स्थानीय व्यक्तिहरुको सहमतिमा गरेको कागजलाई शरीर बन्धक बनाई कागज ग¥यो भनी शुभराम बस्नेतमाथि झुठो मुद्दा लगाएका थिए । बस्नेतको प्रतिष्ठामा आँच पु¥याउने र राजनीतिक भविष्य समाप्त पार्ने कुनियतले दायर गरेको मुद्दाको सुनुवाई गर्दै अदालतले आइतबार बस्नेतलाई निर्दोष सावित गरिदिएको हो ।
आइतबार जिल्ला न्यायाधीश महेन्द्रराज काफ्लेको एकल एजलासले बस्नेतमाथि लगाइएका तीन वटै मुद्दा खारेज गर्दै पूर्ण रुपमा सफाइ दिएको हो ।
युवा नेता बस्नेतको पक्षबाट वरिष्ठ अधिवक्ता डा. गोकुल बुर्लाकोटी, श्याम खत्री, विदुर लामिछाने र प्रकाश बस्नेतले बहस गरेका थिए । नेपाल सरकारको तर्फबाट जिल्ला सरकारी वकिल श्रीराम खनालले बहस गरेका थिए ।
