नेपालमाला
४ माघ २०७७, आईतवार 
काठमाडौं : काठमाडौं उपत्यकामा थप १७७ जना कोरोना भाइरस (कोभिड-१९) संक्रमित थपिएका छन्। जसमध्ये काठमाडौंका १४५ जना, भक्तपुरमा ९ जना र ललितपुरमा २३ जना रहेको स्वास्थ्य तथा जनसंख्या मन्त्रालयले जनाएको छ।
पछिल्लो २४ घण्टामा नेपालमा थप २६६ जनामा कोरोना भाइरस (कोभिड-१९) संक्रमण पुष्टि भएको छ । यो सहित कोरोना संक्रमितको संख्या २ लाख ६७ हजार ३२२ पुगेको छ । जसमध्ये २ लाख ६१ हजार ४४४ जनाले कोरोना जितेका छन् । आइतबार थप ४०० जना डिस्चार्ज भएको स्वास्थ्य तथा जनसंख्या मन्त्रालयले जनाएको छ।
नेपालमा अहिलेसम्म २० लाख १२ हजार ४५२ जनाको आरटी पीसीआर परीक्षण भएको छ । मन्त्रालयका अनुसार कोरोनाबाट मृत्यु हुनेको संख्या १९ सय ५९ पुगेको छ ।
आइतबार थप ५ जनाको मृत्यु मन्त्रालयले पुष्टि गरेको छ। अहिले सक्रिय संक्रमितको संख्या ३ हजार ९१९ छ । यस्तै २२१ जना क्वारेन्टिनमा छन् भने ३ हजार ९१९ जना आइसोलेसनमा छन्।
