कोरोना भाइरस संक्रमितको संख्या ३३ लाख नाघ्यो, दुई लाख ३४ हजार बढीको मृत्यु

काठमाडौं : विश्वमा कोरोना भाइरस (कोभिड(१९) संक्रमितको संख्या ३३ लाख नाघेको छ भने यसका कारण दुई लाख ३४ हजार बढीको मृत्यु भइसकेको छ ।
विश्वमा ३३ लाख आठ हजार पाँच सय १३ जनामा कोरोना भाइरसको संक्रमण भएको पुष्टि भएको छ । सोही अवधिसम्म कोरोना भाइरसका कारण विश्वमा दुई लाख ३४ हजार एक सय १२ जनाले ज्यान गुमाइसकेका छन् ।
संक्रमितमध्ये १० लाख ४२ हजार नौ सय १६ जना उपचारपछि निको भइ अस्पतालबाट घर फर्केका छन् । हालः विश्वका विभिन्न अस्पताल र घरमै बसेर कोरोना भाइरसको उपचार गराइरहने संक्रमितको संख्या २० लाख ३१ हजार चार सय ८५ रहेको छ । उपचारतमध्ये ५० हजार ९ सय ४७ जनाको स्वास्थ्य गम्भीर रहेको छ भने १९ लाख ८० हजार ४ सय ५१ जनाको अवस्था सामान्य रहेको छ ।
नेपालमा हालसम्म ५७ जनामा कोरोना भाइरसको संक्रमण देखिएको छ। संक्रमितमध्ये १६ जना उपचारपछि निको भइ अस्पतालबाट घर फर्किसकेका छन् भने बाँकीको उपचार चलिरहेको छ । नेपालमा गत माघ ९ गते कोरोना भाइरसको पहिलो बिरामी देखिएका थिए ।

विश्वमा कोरोना भाइरस पहिलो पटक सन् २०१९ डिसेम्बर अन्तिम साता चीनको हुबेइ प्रान्तको राजधानी वुहानमा देखिएको थियो । त्यसयता यो भाइरस विश्वका दुई सय एक देशमा फैलिएको छ ।
पछिल्लो चार महिनाको अवधिमा अमेरिका, स्पेन, इटाली, बेलायत, फ्रान्स, जर्मनी, टर्की, रुस, इरान, ब्राजिल, चीन, क्यानाडा, बेल्जियम, नेदरल्याण्ड्स, पेरु, भारत र स्वीट्जरल्याण्ड कोरोना भाइरसबाट सबैभन्दा बढी प्रभावित भएका छन् ।
हालसम्म अमेरिकामा कोरोना भाइरस संक्रमितको संख्या १० लाख ९५ हजार दुई सय १० जना पुगेको छ । जसमध्ये ६३ हजार ८ सय ६१ जनाको मृत्यु भइसकेको छ । स्पेनमा संक्रमितको संख्या २ लाख ३९ हजार ६ सय ३९ रहेको छ भने २४ हजार ५ सय ४३ जनाको मृत्यु भएको छ ।
इटालीमा कोरोना भाइरस संक्रमित २ लाख ५ हजार ४ सय ६३ पुगेको छ। यीमध्ये २७ हजार ९ सय ६७ जनाको मृत्यु भइसकेको छ। बेलायतमा १ लाख ७१ हजार २ सय ५३ कोरोना भाइरस संक्रमित रहेकोमा २६ हजार ७ सय ७१ जनाको मृत्यु भएको छ।

फ्रान्सम कोरोना भाइरस संक्रमितको संख्या १ लाख ६७ हजार १ सय ७८ पुगेको छ, जसमध्ये २४ हजार ५ सय ४३ जनाको मृत्यु भइसकेको छ। जर्मनीमा १ लाख ६३ हजार ९ जना संक्रमित रहेकोमा हालसम्म ६ हजार ६ सय २३ जनाको मृत्यु भएको छ। टर्कीमा १ लाख २० हजार २ सय ४ जना कोरोना भाइरस संक्रमित रहेका छन्। यीमध्ये ३ हजार १ सय ७४ जनाको मृत्यु भइसकेको छ।

रुसमा कोरोना भाइरस संक्रमितको संख्या १ लाख ६ हजार ४ सय ९८ पुगेको छ, जसमध्ये १ हजार ७३ जनाको मृत्यु भएको छ। इरानमा ९४ हजार ६ सय ४० जना संक्रमित संख्या पुगेको छ । यीमध्ये ६ हजार २८ जनाको मृत्यु भएको छ।

0 0 vote
Article Rating

LEAVE A COMMENT

guest
0 Comments
Inline Feedbacks
View all comments