नेपालमाला
२९ चैत्र २०७६, शनिबार 
काठमाडौं : कोरोना भाइरसबाट पछिल्लो २४ घण्टामा ७ हजार ९ जनाको ज्यान गएको छ । तथ्यांक अनुसार सबैभन्दा धेरै अमेरिकामा दुई हजार ४३ जनाको पछिल्लो २४ घण्टामा मृत्यु भएको छ । काेराेनाका कारणा एकै दिनमा एउटै देशमा यति धेरैले ज्यान गुमाएकाे याे पहिलाे पटक हाे ।
सोही अवधीमा फ्रान्समा ९८७, स्पेनमा ६३४, इटलीमा ५७० जनाको ज्यान गएको छ । बेलायतमा २४ घण्टाको अवधीमा ९८०, बेल्जियममा ४९६ ले कोरोनाका कारण २४ घण्टामा ज्यान गुमाउनु परेको छ ।
कोरोनाका कारण शनिबार बिहानसम्म विश्वभरमा एक लाख २ हजार ७३४ जनाको ज्यान गएको छ ।
१२ लाख १८ हजार ९२५ कोरोना संक्रमितको उपचार भइरहेको छ । जसमा ४९ हजार ८३१ को अवस्था गम्भीर रहेको छ ।
