कोरोना संक्रमितको संख्या ५२ पुग्यो

काठमाडौं : नेपालमा कोरोना भाइरस संक्रमितको संख्या ५२ पुगेको छ । आइतबार कोशी अञ्चल अस्पताल विराटनगरमा भएको परीक्षणमा थप एक जनामा कोरोना भाइरसको संक्रमण देखिएको हो ।
स्वास्थ्य तथा जनसंख्या मन्त्रालयका अनुसार झापाका ५० वर्षीय पुरुषमा कोरोना भाइरसको संक्रमण देखिएको हो । उनी अस्पतालको सम्पर्कमा रहेको र स्वास्थ्य अवस्था पनि राम्रो रहेको जनाइउको छ ।
आइतबार नै वीरगन्जमा थप २ जनामा कोरोना भाइरस पुष्टि भएको थियो । वीरगन्ज महानगर वडा नम्बर २ र ३ का दुई पुरुषमा पीसीआर परीक्षणका क्रममा पोजिटिभ देखिएको थियो । कोरोना संक्रमणको पुष्टि भएका छपकैयास्थित मस्जिदमा बस्दै आएका तीन भारतीय जमातीसँगको सम्पर्कमा रहेका दुई जनामा कोरोना संक्रमण भएको हो ।
ती मध्ये वीरगन्ज–३ छपकैयाका ४९ वर्षीय पुरुषलाई प्रहरीले नारायाणी अस्पताल वीरगन्जमा ल्याएको छ। उनी वीरगन्ज महानगरको सरसफाइ शाखामा कार्यरत कर्मचारी रहेका छन्। अर्का वीरगन्ज–२ घुसुकपुरका ५५ वर्षीय पुरुषलाई पनि भर्खरै अस्पताल ल्याइएको छ। उनलाई शंकास्पद ठानी सिदार्थ माविको क्वारेन्टाइनमा राखिएको थियो ।
कोरोना भाइरसको संक्रमितमध्ये अहिलेसम्म १६ जना उपचारपछि घर फर्किएका छन् । आइतबार मात्रै चार जना अस्पतालबाट डिस्चार्ज भएका थिए ।

0 0 vote
Article Rating

LEAVE A COMMENT

guest
0 Comments
Inline Feedbacks
View all comments