नेपालमाला
२९ माघ २०७६, बुधबार 
दाङ : नेपाली सेनाको गाडी दुर्घटना हुँदा एक जनाको घटनास्थलमै मृत्यु भएको छ भने अन्य ६ जना घाइतेको उद्वार गरिएको छ ।
बुधबार दिउँसो सल्यानबाट दाङतर्फ आउँदै गरेको सपुत गण ब्यारेक सल्यानको लु १ ग १२३ नम्बरको गाडी कपुरकोट गाउँपालिका–३ चोरखोलामा दुर्घटनामा परेको हो ।
गाडीमा सवार ७ जनामध्ये सेनाका जमदार यादवप्रसाद घरेलको घटनास्थलमै मृत्यु भएको जनाइएको छ । दुर्घटनामा घाइते हुनेमा ईश्वर सिलवाल, विपिन श्रेष्ठ, मोहन थापा, जयप्रसाद बोहरा, विशाल गुरुङ, रोशन हित रहेका छन् ।
गाडी करिब ५ सय मिटर भीरमा खसेको थियो । घाइतेहरुलाई थप उपचारको लागि सेनाको हेलिकोप्टरबाट काठमाडौं पठाइएको छ ।
