नेपालमाला
१९ माघ २०७६, आईतवार 
काठमाडौं : नेपाल भारोत्तोलन संघको अध्यक्षमा रामकृष्ण श्रेष्ठ (बोस) निर्वाचित भएका छन् । संघको शनिबार राति सम्पन्न चुनावी साधारणसभाबाट श्रेष्ठ निर्वाचित भएका हुन् । श्रेष्ठ यसअघि संघको उपाध्यक्ष थिए ।
श्रेष्ठले ३० मत पाउँदा उनका निकटतम् प्रतिद्वन्द्वी विजेन्द्रविक्रम शाहले २८ मत पाए । संघको पाँच उपाध्यक्ष, महासचिव, सहसचिव र कोषाध्यक्ष भने निर्वारोध निर्वाचित भए ।
उपाध्यक्षमा पार्थसारथी सेनगुप्त, जगदिश प्रधान, समसुद्दिन सिद्धिकी, राजनकुमार नङ्गामी र रुकेश तन्डुकार चयन भए । यस्तै महासचिवमा तिलकबहादुर राउत, सहसचिवमा रामेश्वर श्रेष्ठ र कोषाध्यक्षमा रुद्रबहादुर न्यौपाने चयन भए । सचिवमा भने कुमारमान श्रेष्ठ निर्वाचित भए । उनले ३३ मत पाउँदा उनका प्रतिद्वन्द्वी विपेन्द्र महर्जनले २४ मत प्राप्त गरे ।
१५ सदस्यमध्ये गीता श्रेष्ठ निर्विरोध निर्वाचित भइन् । उनी महिला सदस्यतर्फ निर्विरोध भएकी हुन् । अन्य सदस्यहरुमा शिवनारायण चौधरीले ५१, गोपालबहादुर श्रेष्ठले ५०, रत्नमान मालीले ४४, महेशप्रसाद यादवले ४३, शत्रुघन यादवले ३९, दीपेन्द्रकुमार ठाकुरले ३६, प्रेमकुमार कौशलले ३६, राजेन्द्र प्रधानले ३५ र अजय शाहीले ३४ मत ल्याउँदै निर्वाचित भए । संघको कार्यकाल चार वर्षको हुनेछ ।
