नेपाललाई थप दुई रजत

काठमाडौं : १३औं सागअन्तर्गत फेन्सिङमा नेपालले सोमबार दुर्ई रजत पदक जितेको छ । नेपालले महिला टिम इपी र महिला टिम साबरमा रजत जितेको हो । यससँगै नेपालले फेन्सिङमा चार रजत र ६ कांस्य गरी १० पदक जितेको छ ।

सोमबार दुवै स्पर्धामा नेपाल भारतसँग पराजित भयो । महिला टिम इपीमा बंगलादेश र श्रीलंकाले कांस्य जिते । यस्तै महिला टिम साबरमा पनि बंगलादेश र श्रीलंकाले नै कांस्यमा चित्त बुझाए ।

यसैगरी पुरुष फ्वेल स्पर्धामा पनि भारतले नै स्वर्ण जित्यो । फाइनलमा भारतले बंगलादेशलाई स्तब्ध बनायो । नेपाल र श्रीलंकाले कांस्यमा चित्त बुझाए ।

फेन्सिङमा भारतले कुल १२ मध्ये ११ स्वर्ण जित्यो । यस्तै पाँच रजत र एक कांस्य पनि हात पा¥यो । दोस्रो स्थानमा रहेको बंगलादेशले एक स्वर्ण, तीन रजत र सात कांस्य जित्यो । यसैगरी घरेलु टोली नेपालले चार रजत र ६ कांस्यमा चित्त बुझायो । विजेतालाई पूर्व उपप्रधानमन्त्री एवं कांग्रेस नेता प्रकाशमान सिंहलगायतले पुरस्कृत गरे ।