अभ्यास खेलमा नेपालको जित

काठमाडौं : नेपालले पहिलो टीट्वेन्टी अभ्यास खेलमा रोमाञ्चक जित निकालेको छ । शनिबार बिहान भएको खेलमा नेपालले घरेलु टोली ह्युस्टन हुरिकेन्सलाई ६ रनले पराजित गरेको हो । नेपालले दिएको एक सय ४७ रनको लक्ष्य पछ्याएको हुरिकेन्सले निर्धारित २० ओभरमा आठ विकेट गुमाउँदै एक सय ४० रन मात्रै बनाउन सक्यो ।
हुरिकेन्सलाई जितका लागि अन्तिम ओभरमा १० रन चाहिएको अवस्थामा तीव्र गतिका बलर करण केसीले तीन रन खर्चिएर एक विकेट लिँदै नेपाललाई रोमाञ्चक जित दिलाएका थिए । हुरिकेन्सका लाहिरु मिलान्थाले सर्वाधिक ३३ रन बनाए । यस्तै अली शेखले २३, स्मित पटेलले १९ आर्कषित गोमेलले १८ रनको योगदान दिए । नेपालका सोमपाल कामी र करण केसीले दुई÷दुई विकेट लिए । यस्तै रोहित पौडेल, कुशल भुर्तेल, सागर ढकाल र अभिनाश बोहराले एक÷एक विकेट हात पारे ।
यसअघि प्रेरी भ्यु कम्प्लेक्स ह्युस्टनमा टस हारेर पहिले ब्याटिङ गरेको नेपालले निर्धारित २० ओभरमा आठ विकेट गुमाउँदै एक सय ४६ रनको योगफल खडा गरेको थियो । नेपालका अनिल साहले सर्वाधिक ४७ रन बनाए । उनले ३८ बलमा दुई छक्का र तीन चौका हिर्काए । यस्तै कप्तान रोहित पौडेलले २३, सन्दीप जोराले २१, गुलसन झाले २०, कुशल मल्लले १२ र करण केसीले १० रनको योगदान दिए । ह्युस्टन हुरिकेन्सका उस्मान सिनवारी र इमरान खान जुनियरले दुई÷दुई विकेट लिए । जोस ट्रम्प, अली शेख र जिया जाहजादले एक÷एक विकेट हात पारे ।