राष्ट्रिय सभा उपाध्यक्षमा कांग्रेसले विष्णुदेवी पुडासैनीलाई उम्मेदवार बनाउने

बुधबार हुने उपाध्यक्षको निर्वाचनका लागि आज मनोनयन दर्ता सङ्घीय संसद् भवनको ल्होत्से हलमा हुने संसद सचिवालयले जनाएको छ। सचिवालयका अनुसार मनोनयन दर्ताका लागि आज बिहान ११:४५ बजेदेखि १:४५ बजेसम्म समय तालिका तोकिएको छ।

निर्वाचन कार्यतालिका अनुसार आज दिउँसो नै दर्ता भएका प्रस्तावको सूची प्रकाशन गरिने छ। उक्त प्रस्तावलाई राष्ट्रिय सभाको चैत २८ गते बुधबार बस्ने बैठकमा निर्णयार्थ प्रस्तुत गरिने संसद सचिवालयले जनाएको छ। २०७९ माघ ३ गते राष्ट्रिय सभा उपाध्यक्षमा निर्विरोध निर्वाचित भएकी राष्ट्रियसभा उपाध्यक्ष उर्मिला अर्यालले चैत्र १५ गते राजीनामा दिएकी हुन्।