नेपालमाला
२१ कार्तिक २०८०, मंगलवार 
काठमाडौं : ताप्लेजुङको पाथिभरा क्षेत्र विकास समितिको कार्यकारी निर्देशकमा प्रजिन हाङवाङ नियुक्त भएका छन्। पर्यटनमन्त्रीस्तरको कात्तिक २० गतेको निर्णयबाट हाङवाङ आगामी ४ वर्षका लागि कार्यकारी निर्देशमा नियुक्त भएका हुन्। पाथिभरा क्षेत्र विकास समिति गठन आदेश, २०५३ को दफा ६ मा कार्यकारी निर्देशक नियुक्तिसम्बन्धी व्यवस्था छ।
नेकपा माओवादी केन्द्रको जिल्ला सदस्य रहेका हाङवाङ ताप्लेजुङमा युवा तथा विद्यार्थीमाझ लोकप्रिय छन्। पाथिभरा क्याम्पस सञ्चालक समितिको सदस्यसमेत रहेका उनको छवि इमानदार र बौद्धिक नेताका रूपमा छ।
पाथिभराको उन्नती र विकासका लागि नेपाल सरकारबाठ गठित समितिले उक्त क्षेत्रको सञ्चालन तथा व्यवस्थापनको काम गर्दै आएको छ। पाथिभरा क्षेत्रमा पूर्वाधार निर्माण, पदमार्ग निर्माणसहित विभिन्न विकासका आयोजना समितिले नै गर्दै आएको छ। समितिको अध्यक्षमा एकीकृत समाजवादीका युवा नेता रक्की थेवे रहेका छन्।
