नेपालमाला
२७ आश्विन २०८०, शनिबार 
विराटनगर : कोशी प्रदेशको मुख्यमन्त्रीमा दाबी गरेका सत्तारुढ गठबन्धनका उम्मेदवार र समर्थक सनाखतका लागि नआउने भएका छन् । काग्रेसबाट विद्रोह गर्दै डाक्टर शेखर कोइराला समूह एमालेसँग मिलेका कारण गठबन्धन उम्मेदवार र उनका समर्थक हस्ताक्षर सनाखतका लागि नआउने भएका हुन् ।
संविधानको धारा १६८ को ५ अनुसार प्रदेश प्रमुखले दिएको समयमा दुई जनाको दाबी पेस भएपछि हस्ताक्षर सनाखतका लागि प्रदेश प्रमुखको कार्यालयले आज दुवै पक्षलाई बोलाएको थियो । केदार कार्की पक्षधरको हस्ताक्षर सनाखत भइरहेको छ ।
मुख्यमन्त्रीका लागि दाबी पेस गरेका माओवादी केन्द्रका संसदीय दलका नेता आङ्बोले भने सनाखतका लागि आफूहरू नजाने बताए । माओवादी केन्द्रका एक सांसदले दाबी नपुग्ने अवस्था भएपछि सनाखतका लागि नजाने भएको जानकारी दिए ।
