बागमती र कर्णालीलाई उपाधि

काठमाडौं : बागमती र कर्णाली प्रदेशले बागमती राष्ट्रिय रग्बी सेभेन्स प्रतियोगिताको उपाधि जितेका छन् । आइतबार भएको फाइनलमा बागमती महिला र कर्णाली पुरुषतर्फ च्याम्पियन बनेका हुन् ।
भक्तपुरको सानोठिमीमा भएको पुरुष फाइनलमा कर्णालीले विभागीइ टोली त्रिभुवन आर्मीलाई सडन डेथमा ५–० ले पराजित ग¥यो । निर्धारित १४ मिनेटको खेल १४–१४ स्कोरको बराबरीमा टुंगिएको थियो । बागमती प्रदेश खेलकुद विकास परिषद्को आयोजना तथा नेपाल रग्बी संघको व्यवस्थापनमा भएको प्रतियोगिताको महिलाको उपाधि भिडन्तमा बागमतीले आर्मीलाई २१–५ ले हरायो ।
प्रतियोगिताका विजेताले ५० हजार र उपविजेताले ३० हजार नगद पुरस्कार प्राप्त गरे । प्रतियोगितामा कर्णालीका निरोज कार्की र बागमतीकी सिर्जना राई उत्कृष्ट खेलाडी घोषित भए । उनीहरुले जनही पाँच हजार नगद पुरस्कार पाए । विजेतालाई मध्यपुर ठिमी नगरपालिकाका प्रमुख सुरेन्द्र श्रेष्ठलगायतले पुरस्कृत गरे । पुरुष÷महिलामा सात÷सात टोलीले लिग कम नकआउटका आधारमा प्रतिस्पर्धा गरेका थिए ।

कर्णालीमा रग्बी विकासका लागि गोर्खाली रग्बी क्लब र कर्णाली प्रदेश खेलकुद परिषद्बीच सम्झौता भएको थियो । प्रतियोगिता अगावै भएको सम्झौता अनुसार बागमती प्रदेश राष्ट्रिय प्रतियोगिता र यू–२० राष्ट्रिय प्रतियोगितामाका साथै १०औं राष्ट्रिय प्रतियोगितामासमेत गोर्खाली रग्बी क्लबले कर्णाली प्रदेश रग्बी संघलाई सहयोग गर्ने छ ।