नेपालमाला
७ चैत्र २०७९, मंगलवार 
काठमाडौं : हङकङको कोलुङमा पार्कमा आयोजना भएको २७औं एसियन सिटिज तेक्वान्दो च्याम्पियनसिपमा नेपालले ६ रजत र ३ कांस्य पदक जितेको छ । च्याम्पियनसिपमा नेपालले पुम्सेमा एक रजत र एक कांस्य तथा ग्योरोगीमा ५ रजत र दुई कांस्य पदक जितेको हो ।
पुम्सेको महिला ३१ देखि ४० वर्ष उमेर समूहमा रेखमाया गुरुङले रजत र एरिक रानाले कांय पदक जितेका थिए । यस्तै ग्योरोगीतर्फ महिलाको ४२ केजीमुनिको तौल समूहमा प्रिया पुन, पुरुषको ६३ केजीमुनिको तौल समूहमा विमल रोकाया, ५४ केजीमुनि जस्टिन गुरुङ, ७३ केजीमा जेनिस गुरुङ र ८७ केजी तौल समूहमाथि प्रदीप कँडेलले रजत पदक जितेका थिए । यसैगरी पुरुषकै ८७ केजीमुनि प्रदीप गिरी र ओमप्रकाश खड्काले कांस्य पदक जितेका थिए ।
कुमार लामा घिसिङको नेतृत्वमा हङकङ पुगेको नेपाली टोलीको प्रशिक्षणको जिम्मेवारी राजु खड्काले सम्हालेका थिए । टिम अफिसियलको भूमिका रोशन खड्काले निर्वाह गरेका थिए ।
