नेपालमाला
२७ कार्तिक २०७९, आईतवार 
सर्लाही : सर्लाही– ४ मा मुख्यगरी दुई गठबन्धनका उम्मेदवारबीचप्रतिस्पर्धा छ । सत्ता गठबन्धनबाट कांग्रेसका नागेन्द्रकुमार राय र एमाले–जसपा गठबन्धनबाट जसपाका राकेशकुमार मिश्रको उम्मेदवारी छ । यहाँ राप्रपाबाट महेश महतो र जनमत पार्टीबाट रामबाबु राय पनि उम्मेदवार छन्। केही स्वतन्त्र पनि मैदानमा छन् । कांग्रेसबाट २०७४ मा चुनाव जितेका अमरेशकुमार सिंह पनि स्वतन्त्र उम्मेदवार छन्। २६ वर्षीया मधुमालाकुमारी यादव पनि स्वतन्त्र उम्मेदवार छिन् । उनी माओवादी नेता शिवपुजन राय यादवकी छोरी हुन्।
अमरेशमुकार सिंह पार्टीले टिकट नदिएपछि स्वतन्त्र उम्मेदवारी दिएका हुन् । सिंहको नाम कांग्रेस सर्लाहीले उम्मेदवारका रूपमा सिफारिस गरेको थिएन। सिंह यसअघि कांग्रेस महाधिवेशन प्रतिनिधिमा पनि पराजित भएका थिए।
बैशाख ३० माभएको स्थानीय तह चुनावको मत हेर्दा यहाँ कांग्रेस नेतृत्वको सत्ता गठबन्धन निकै अगाडि छ । एमाले–जसपा गठबन्धनको १८ हजार ८ सय मत देखिन्छ। तर सत्ता गठबन्धनका पक्षमा६१ हजार ७ सय ११ मत पुग्छ।
कांग्रेस उम्मेदवार नागेन्द्र आफूहरूको जितनिश्चित रहेको बताए । ‘हामी चुनावी घरदैलो गरिरहेका छौं। माहौल राम्रो छ,’ उनले भने, ‘स्वतन्त्र उठेका अमरेशकुमारले धरौटी जोगाउन सक्दैनन् ।’ त्यसमा पनिआफू वर्षौंदेखि स्वयम्सेवी रुपमा नागरिकको काम गरिरहेको रायले बताए । फराकिलो मतान्तरले सत्ता गठबन्धन विजयी हुने उनको दाबी छ ।
जसपाबाट प्रतिनिधि सभाउम्मेदवार रहेका राकेशले किसानका मुद्दा उठाउँदै आएका छन्। किसानका मुद्दामा साथ दिँदै आएकाले त्यहीबलमाचुनावजित्ने दाबीसमेत उनले गर्ने गरेका छन्। सर्लाही ४ को समृद्धिका लागि जनताका लागि काम गर्न सक्ने नेता मंसिर ४ मा निर्वाचितग र्नुपर्ने पनि उनी बताउँछन्।
