नेपालमाला
२ पुष २०७८, शुक्रबार 
काठमाडौं : सहिद स्मारक ए डिभिजन लिग फुटबलमा मछिन्द्र र संकटा क्लबले बराबरी खलेका छन् । शुक्रबार दशरथ रंगशालामा भएको खेलमा मछिन्द्र र संकटाले गोल रहित बराबरी खेल्दै अंक बाँडेका हुन् ।
मछिन्द्रलाई लिगमा तीन अंकको अग्रता र संकटालाई लिगको शीर्ष स्थानमा उक्लिने मौका थियो । तर दुवै टिमले शुक्रबार खेल गुमाउन चाहेनन् । मनिष डाँगीको गोललाई रेफ्रीले अफसाइड बताएपछि मछिन्द्र जित निकाल्न चुक्यो । संकटाका कप्तान रवी सिलवाल प्लेयर अफ दी म्याच चुनिए ।
बराबरीसँगै शीर्ष स्थानको मछिन्द्रले तालिकामा ११ अंक जोडेको छ । र दोस्रो स्थानको मनाङसँग एक अंकको अग्रता लिएको छ । संकटा ९ अंक जोड्दै शीर्ष चारमा उक्लिएको छ ।
आर्मी र सातदोबाटोबीचको खेल बराबरी
सहिद स्मारक ‘ए डिभिजन’ लिगअन्तर्गत त्रिभुवन आर्मी फुटबल क्लब र सातदोबाटो युथ क्लबबीचको खेल बराबरीमा टुंिगएको छ । त्रिपुरेश्वरस्थित दशरथ रङ्गशालामा आज भएको खेलमा दुवै टोलीले एक÷एक गोलको बराबरी खेल्दै अङ्क बाडेका छन् । खेलमा पहिलो अग्रता भने आर्मीले लियो । खेलको १०औँं मिनेटमा दिनेश हेन्जनले पेनाल्टी बक्सबाट गोल गर्दै आर्मीलाई १–० को अग्रता दिलाए ।
आर्मीको त्यो अग्रता लामो समयसम्म भने टिक्न सकेन । खेलको १६औँ मिनेटमा सातदोेबाटोका मार्टिन्स अजायीले गोल गर्दै खेललाई एक एक गोलको बराबरीमा ल्याए ।
यस बराबरीसँगै पाँच खेलबाट नौ अङ्क जोड्दै आर्मी तेस्रो स्थानमा यथावत रहेको छ । यता बराबरीपछि सातदोबाटो भने आठ अङ्कका साथ लिगको चौथो स्थानमा उक्लिएको छ । समान चार खेल खेलेको मछिन्द्र फुटबल क्लब र मनाङ मस्र्याङदी क्लब १०÷१० अङ्कसहित पहिलो र दोस्रो स्थानमा छन् ।
