म अब सभापतिमा उठ्दिन : रामचन्द्र पौडेल

काठमाडौं : नेपाली कांग्रेसका नेता रामचन्द्र पौडेलले आफू सभापतिको उमेदवार नबन्ने बताएका छन् । उनले आफ्नै निवास पुगेका नेताहरुसँगको छलफलमा यस्तो बताएका हुन् ।

एक नेताले दिएको जानकारीअनुसार पौडेलले आफ्नो टिममा एकजनामात्रै उमेदवार हुनुपर्ने, जसको नाममा सहमति जुट्छ उसैलाई स्वीकार गर्नुपर्ने बताएका थिए ।

उनले अहिले सभापतिमा शेरबहादुर देउवाको विकल्प चाहिएको भन्दै त्यसका लागि सबै त्याग गर्न तयार हुनुपर्ने बताएका थिए । उनले अब आफू सभापतिको दौडमा नरहेको बताएका थिए ।