उम्मेदवारी दर्ताको तयारी गरिसकेको छु : प्रकाशमान सिंह

 काठमाडौं : नेपाली कांग्रेसका नेता प्रकाशमान सिंहले आफू सभापतिको उम्मेदवार बन्ने निर्णयबाट पछाडि फर्किने कुनै सम्भावना नरहेको बताएका छन् ।

कांग्रेसको १४औं महाधिवेशनको उद्घाटन शुक्रबार हुँदैछ । शनिबार उम्मेदवारी दर्ताको समय तोकिएको छ । रामचन्द्र पौडेल समूहबाट को सभापतिको उम्मेदवार बन्ने भन्ने अझै टुंगो लागेको छैन । सहमतिका लागि प्रयास भइरहको बेला नेता सिंहले भने सभापतिमा दाबी कुनै हालतमा नछोड्ने बताए ।
सम्पर्क कार्यालय खोलेर महाधिवेशन प्रतिनिधिहरुसँग भेटवार्ता थालेका पूर्वमहामन्त्री सिंहले  भने, ‘उम्मेदवारी दर्ता गर्न मैले तयारी गरिसकेको छु ।’