नेपालमाला
१५ असार २०७८, मंगलवार 
दाङ : दाङमा जारी निषेधाज्ञालाई खुकुलो पारी असार २२ गतेसम्म लम्ब्याइएको छ । थपिएको निषेधाज्ञामा विद्यालयबाहेक लगभग अन्य सबै क्षेत्रहरू सञ्चालन गर्न दिने निर्णय भएको छ ।
केन्द्रको निर्णयका आधारमा मात्रै हुने हुँदा विद्यालय नखोलिएको हो । प्रमुख जिल्ला अधिकारी रामबहादुर कुरुम्बाङले जिल्लाभित्र सार्वजनिक सवारी साधन बुधबारदेखि नै सञ्चालन गर्न दिने निर्ण भएको जानकारी दिए ।
होटेल तथा रेष्टुराँहरू होम सर्भिसका लागि मात्रै सञ्चालन गर्न दिने यस अघिको निर्णय यथावत रहेपनि तीपनि अब विस्तारै खुल्दै जान थालेका छन् ।
सबै खाले पसलहरू साँझ ६ बजेसम्म खोल्न दिइने भएको छ । सरकारी लगाएत अन्य कार्यालयहरू बिहान १० बजेदेखि बेलुका ५ बजेसम्म सञ्चालन खुल्ने छन् । प्रजिअ कुरुम्वाङले सबैले अनिवार्य स्वास्थ्य मापदण्ड पालना गरेर मात्रै व्यापार व्यवसाय सञ्चालन गर्न पाउने बताए ।
जिल्लामा हाल कोरोना भाइरसका १०१ जना सक्रिय संक्रमित रहेका छन् ।
