अनिता एरोबिकको एम्बेसडर

काठमाडौं : पूर्व राष्ट्रिय खेलाडी अनिता महर्जन नेपालका लागि लन्डनस्थित एरोबिक टेबुल टेनिसको ब्रान्ड एम्बेसडर नियुक्त भएकी छन् । एरोबिकले अनितालाई तीन वर्षका लागि एम्बेसडर नियुक्त गरेको हो ।
एरोबिकले महर्जनलाई पार्टनर, प्रमोटर र प्रशिक्षकको रुपमा समेत चयन गरेको हो । सन् २०११ मा स्टिभ रोयले स्थापना गरेको एरोविकले नयाँ खेलाडीहरुलाई प्रशिक्षण दिँदै आएको छ । एरोबिकका माध्यमले शारीरिक तन्दुरुस्त बनाउनुका साथै सांगीतिक धुनको तालमा खेलाडीलाई तन्दुरुस्त राख्न सहयोग पु¥याउने विश्वास गरिएको छ ।
जुलाइ १५ मा एरोबिक टेबलटेनिसका प्रमुख कार्यकारी स्टिभ नेपाल भ्रमणमा आउने र उनले नेपाली खेलाडीहरुलाई प्रशिक्षण दिने अनिताले जानकारी दिइन् । उनका अनुसार प्रशिक्षणमा उत्कृष्ट तीन छात्र र तीन छात्रालाई स्टिभले लन्डनस्थित एकेडेमीमा प्रशिक्षणका लागि लैजाने छन् । एरोविकले खेलाडीहरुका लागि खेल पोशाक, ¥याकेट र बल प्रायोजन गर्ने र प्रशिक्षणका लागि आवश्यक उपकरण पनि प्रदान गर्ने अनिताले जानकारी दिइन ।
अनिताले एकल प्रयासमा सामाखुसीस्थित आफ्नै घरमा १५ लाखको लागतमा एनिस पिङपङ क्लब स्थापना गरी साना बालबालिकालाई निशुल्क टेबुलटेनिस प्रशिक्षण दिँदै आएकी छन् । क्लबमा हाल १५ बालबालिकाले प्रशिक्षण लिइरहेका छन् ।