नेपालमाला
२६ जेष्ठ २०७८, बिहीबार 
काठमाडौं : प्रधानमन्त्री केपी शर्मा ओलीले गृह मन्त्रालयमा खगराज अधिकारीलाई गृह मन्त्रालयको जिम्मा दिने भएका छन् ।
उनले सात मन्त्रीको आजै ४ बजे शपथ गराउने तयारी गरेका छन् ।
गृह मन्त्रीमा अधिकारी, सञ्चारमन्त्रीमा बादलकी श्रीमतीसमेत रहेकी नैनकला थापालाई सञ्चार मन्त्रालयको जिम्मा दिन लागिएको स्रोतको दाबी छ । त्यसैगरी वनमन्त्रीमा नारदमुनी राना, कृषि मन्त्रीमा ज्वालाकुमारी साह, उद्योग मन्त्रीमा राजकिशोर यादव र सामान्य प्रशासन मन्त्रीमा गणेश पहाडीको नाम चर्चामा छ ।
नेकपा (एमाले)को खनाल–नेपाल समूह छाडेका पहाडी सिन्धुलीबाट प्रतिनिधिसभामा निर्वाचित सांसद हुन् । उनी प्रधानमन्त्री केपी शर्मा ओलीलाई विश्वासको मत दिने बेलामा संसद्मा अनुपस्थित भएका थिए । उनले शेरबहादुर देउवालाई प्रधानमन्त्री बनाउनेसम्बन्धी प्रस्तावमा हस्ताक्षर गरेका थिएनन्। मोहन बानियाँलाई विनाविभागीय र वन राज्यमन्त्रीमा आशा विकलाई शपथ गराउन लागिएको बताइएको छ ।
