नेपालमाला
८ जेष्ठ २०७८, शनिबार 
काठमाडौं : प्रधानमन्त्री केपी ओलीले नेपाली कांग्रेसका सभापति शेरबहादुर देउवाको भाषाप्रति टिप्पणी गरेका छन्।
शनिबार बालुवाटारमा बुद्धिबहादुर रायमाझीको १६ वर्षे जेल जीवन पुस्तक सार्वजनिक कार्यक्रममा बोल्दै ओलीले देउवाले विज्ञप्तिमा प्रयोग गरेको भाषाप्रति टिप्पणी गरेका हुन्।
ओलीले राष्ट्रपतिलाई ‘तपाईं’ समेत भन्न हुँदैन भन्ने ठानेको भन्दै देउवाको भाषाप्रति आपत्ति जनाएका हुन्। ओलीले कांग्रेससँग सभ्यता नभएको बताए। देउवाको भाषा देखेपछि गणतन्त्र खुइल्याउने अभियान कहाँसम्म पुगेको रहेछ भन्दै अचम्मा परेको ओलीले बताए।
‘तपाईँ पनि भन्नु हुँदैन राष्ट्रपतिलाई भन्ने ठान्छन्। असभ्य तरिकाले बोल्ने तिनै आफूलाई महान ठान्छन्’, ओलीले भने, ‘नेपाली काँग्रेसका सभापतिको त्यस स्तरको भाषा देखेपछि गणतन्त्रलाई खुइल्याउने अभियान कहाँसम्म पुगेको रहेछ भन्ने अचम्म लाग्यो।’
