नेपालमाला
१२ चैत्र २०७७, बिहीबार 
काठमाडौं : पछिल्लो २४ घन्टामा कोरोना भाइरस (कोभिड -१९) बाट थप १२० जनामा संक्रमण देखिएको छ। २८ सय ९१ स्वाब परीक्षण गराउँदा १२० जनामा संक्रमण देखिएको स्वास्थ्य तथा जनसंख्या मन्त्रालयले जनाएको छ। यो सहित संक्रमितको संख्या २ लाख ७६ हजार ५०९ पुगेको छ।
यस्तै पछिल्लो २४ घन्टामा ८५ जनाले स्वास्थ्य लाभ गरेका छन्। यो सहित कोरोनाबाट निको हुनेको संख्या २ लाख ७२ हजार २७२ पुगेको छ। मन्त्रालयका अनुसार पछिल्लो २४ घन्टामा कोरोनाबाट कसैको पनि मृत्यु भएको छैन। नेपालमा कोरोनबाट मृत्यु हुनेको संख्या आजसम्म ३ हजार २० पुगेको मन्त्रालयले जनाएको छ।
यस्तै ५५ जना क्वारेन्टाइन र १२ सय १७ जना आइसोलेसनमा छन्।बुधबार १४५ जनामा कोरोना संक्रमण देखिएको थियो भने १ जनाको मृत्यु भएको थियो।
