महासंघद्वारा प्रमाणपत्र वितरण

काठमाडौं : नेपाल फुलकन्ट्याक कराँते महासंघले आफूसँग आवद्ध रहेका १४ वटा संघलाई प्रमाणपत्र वितरण गरेको छ । बुधबार आयोजित कार्यक्रममा महासंघका अध्यक्ष दमन बस्नेतले विभिन्न संघका अध्यक्ष तथा ब्रान्च चिफलाई प्रमाणपत्र वितरण गरेका हुन् ।
नेपाल फुलकन्ट्याक कराँते महासंघमा आवद्ध हुने संघहरुमा एफकेओके संघ, नेपाल एफआईकेके संघ, के डब्लूडब्लू संघ, के डब्लुएफ नेपाल, आईकेए संघ, आईएफ केके संघ, नेपाल सिन क्योकुसिन काईकान कराँते संघ, आईकेओ क्योकुसिन काईकोन संघ, नेपाल क्योकुसिन बुदो कराते साकाही अन्तर्राष्ट्रिय संघ, नेपाल एटेमी क्योकुसिन कराते संघ, पाको नेपाल क्योकुसिन कराते संघ, नेपाल अन्तर्राष्ट्रिय क्योकुसन काइकान कराते संघ, नेपाल क्योकुसिन सेहसिन काइकान कराते संघ र नेपाल क्योकुसिन डो फुलकन्ट्याक्ट कराते संघ छन् ।