नेपालमाला
१४ माघ २०७७, बुधबार 
काठमाडौं : पछिल्लो २४ घण्टामा नेपालमा थप २ सय ८३ जनामा कोरोना भाइरस (कोभिड-१९) संक्रमण पुष्टि भएको छ । काठमाडौं उपत्यकाका १४५ सहित २८३ जनामा कोरोना भाइरस संक्रमण देखिएको स्वास्थ्य तथा जनसंख्या मन्त्रालयले जनाएको छ।
४ हजार ३ सय ८२ जनाको स्वाब परीक्षण गर्दा २८६ मा संक्रमण देखिएको स्वास्थ्य तथा जनसंख्या मन्त्रालयले जनाएको छ। यो सहित कोरोना संक्रमितको संख्या २ लाख ७० हजार ३७५ पुगेको छ । जसमध्ये २ लाख ६५ हजार ६९ जनाले कोरोना जितेका छन् । बुधबार थप २४६ जना संक्रमणमुक्त भएका छन्।
नेपालमा अहिलेसम्म २० लाख ५७ हजार ६९ जनाको आरटी पीसीआर परीक्षण भएको छ। मन्त्रालयका अनुसार हालसम्म कोरोनाबाट मृत्यु हुनेको संख्या २ हजार २० पुगेको छ । बुधबार थप ३ जनाको मृत्यु भएको मन्त्रालयले पुष्टि गरेको छ। अहिले सक्रिय संक्रमितको संख्या भने ३ हजार २८६ छ । यस्तै १२२ जना क्वारेन्टिनमा छन् भने ३ हजार २५२ जना आइसोलेसनमा छन्।
यस्तै मन्त्रालयका अनुसार कोरोनाका गम्भीर १३९ जना आइसीयूमा र २३ जनाको भेन्टिलेटरमा उपचार भइरहेको छ।
