कलंकीमा मुवाथाई क्लब

काठमाडौं : कलंकीमा फ्रेन्डसिप वेल्फेयर मुवाथाई क्लब सञ्चालनमा आएको छ । कलंकीस्थित जनपद माविमा खोलिएको क्लबको नेपाल राष्ट्रिय मुवाथाई संघका अध्यक्ष गणेशलाल कक्षपतिले बिहीबार एक कार्यक्रमबीच उद्घाटन गरे ।
क्लबमा हाल २० खेलाडी रहेको क्लबका अध्यक्ष सैलेश प्रजाले जनाएका छन् । खेलाडीलाई २०१७ का विश्व च्याम्पियन समेत रहेका राहुल ठोकर लामाले प्रशिक्षण दिइरहेका छन् ।
कलंकीमै क्लबको कार्यालय पनि स्थापना गरिएको छ । कार्यक्रममा नेपाल राष्ट्रिय मुवाथाई संघका सदस्य साजन मालीलगायतको उपस्थिति थियो ।