नेपालमाला
२२ कार्तिक २०७७, शनिबार 
काठमाडौं : पछिल्लो २४ घण्टामा नेपालमा २७ सय ५३ जना कोरोना भाइरस (कोभिड-१९) संक्रमण पुष्टि भएको छ। स्वास्थ्य तथा जनसंख्या मन्त्रालयका अनुसार हजार ७७ महिला र १६ सय ७६ पुरुषमा एकै दिन संक्रमण पुष्टि भएको छ।
अहिलेसम्म १५ लाख २७ हजार ७६६ जनाको पीसीआर परीक्षण हुँदा नेपालमा संक्रमितको संख्या १ लाख ९१ हजार ६३६ पुगेको छ। मन्त्रालयका अनुसार २४ घण्टामा २२ सय ६ जना डिस्चार्ज भएका छन्। योसँगै कुल डिस्चार्ज हुनेको संख्या १ लाख ५५ हजार ११४ पुगेको छ।
एकै दिन १७ जनाको मृत्यु भएसँगै नेपालमा कोरोनाले ज्यान गुमाउनेको संख्या भने एक हजार ८७ पुगेको छ। अहिले देशभर सक्रिय संक्रमितको संख्या भने ३५ हजार ४३५ रहेको छ। अहिले ११ सय ४४ जना क्वारेन्टिनमा छन्।
उपत्यकामा थपिए १५ सय १२ संक्रमित
२४ घण्टामा काठमाडौं उपत्यकामा १५ सय १२ जनामा कोरोना संक्रमण पुष्टि भएको छ। मन्त्रालयका अनुसार ८८७ पुरुष र ६२५ महिला गरेर २४ घण्टामा उपत्यकामा १५ सय १२ संक्रमित थपिएका हुन्।
योसँगै काठमाडौं जिल्लामा मात्र होम आइसोलेनमा बस्नेको संख्या ११ हजार ५७० पुगेको छ। ललितपुरमा १८०३ र भक्तपुरमा १७ सय ५० जना होम आइसोलेशनमा छन्।
उपत्यकामा ८७ हजार सक्रमित : ४०६ जनाको मृत्यु
मन्त्रालयका अनुसार काठमाडौं उपत्यकाका तीन जिल्लामा मात्र सक्रमितको संख्या ८७ हजार नाघेको छ भने ४०६ जनाको मृत्यु भइसकेको छ।
काठमाडौं जिल्लामा मात्र ७० हजार ७७३ जनामा संक्रमण पुष्टि भएको छ। जसमध्ये १५ हजार ४५५ सक्रिय संक्रमित छन् भने ५५ हजार ४८ जनाले कोरोना जितिसकेका छन्। जिल्लामा मृतकको संख्या २७० पुगेको छ।
९ हजार ९९१ संक्रमित रहेको ललितपुरमा ७ हजार ७३४ जनाले कोरोना जितेका छन्। २१ सय ९१ जना सक्रिय संक्रमित रहेको ललितपुरमा ६६ जनाले ज्यान गुमाएका छन्।
भक्तपुरमा अहिलेसम्म संक्रमितको संख्या ६ हजार ४३० पुगेको छ। ५ हजार १४४ जनाले कोरोना जितेको भक्तपुरमा १२ सय १६ जना सक्रिय संक्रमित छन् भने ७० जनाको मृत्यु भइसकेको छ।
एक लाख ५५ हजार डिस्चार्ज : १०८७ को मृत्यु
मन्त्रालयका अनुसार २४ घण्टामा २२ सय ६ जना डिस्चार्ज भएका छन्। योसँगै कुला डिस्चार्ज हुनेको संख्या १ लाख ५५ हजार ११४ पुगेको छ।
एकै दिन १७ जनाको मृत्यु भएसँगै नेपालमा कोरोनाले ज्यान गुमाउनेको संख्या भने एक हजार ८७ पुगेको छ। अहिले देशभर सक्रिय संक्रमितको संख्या भने ३५ हजार ४३५ रहेको छ।
अहिलेसम्म १५ लाख २७ हजार ७६६ जनाको पीसीआर परीक्षण भएको मन्त्रालयले जनाएको छ। अहिले ११ सय ४४ जना क्वारेन्टिनमा रहेका छन्।
२४ घण्टामा प्रदेश १ मा ४९४, प्रदेश २ मा ७७, बागमतीमा १६ सय ९९, गण्डकीमा १३७, लुम्बिनीमा २१८, कर्णालीमा २५ र सुदूरपश्चिममा १०३ जनामा संक्रमण पुष्टि भएको छ।
झापा, मोरङ, सुनसरी, काठमाडौं, भक्रपुर, ललितपुर, चितवन, मकवानपुर, काभ्रे, कास्की, नवलपरासी (पूर्व) दाङ र रुपन्देहीमा पाँच सय बढी सक्रिय संक्रमित रहेका छन् भने मनाङ र बाजुरामा सक्रिय संक्रमित छैनन्।
