नेपालमाला
२८ आश्विन २०७७, बुधबार 
गण्डकी : गण्डकी प्रदेशमा कोरोना सङ्क्रमितको सङ्ख्या पाँच हजार नाघेको छ । मंगलबारसम्म गण्डकीमा कोरोना संक्रमितको संख्या पाँच हजार एक सय पुगेको जनाइएको छ ।
प्रदेशमा मंगलबार थप ७६ जनामा कोरोना सङ्क्रमण पुष्टि भएको गण्डकी प्रदेश स्वास्थ्य निर्देशनालयका निर्देशक एवम् गण्डकी प्रदेश कोरोना नियन्त्रण तथा रोकथाम कार्यक्रमका प्रवक्ता डा विनोदविन्दु शर्माले जानकारी दिए ।
मंगलबार थपिनेमा लमजुङका २७, तनहुँका २६, कास्कीका १७, स्याङ्जाका तीन, पर्वतका दुई र मनाङका एक जना छन् । यसमध्ये लमजुङको दोर्दी गाउँपालिकाका २७ जना लिबर्टी हाइड्रो कम्पनीमा कार्यरत र अन्य कन्ट्याक्ट ट्रेसिङमार्फत पहिचान भएको निर्देशनालयले जनाएको छ ।
