नेपालमाला
२२ जेष्ठ २०७७, शुक्रबार 
मिलान : उरुग्वे राष्ट्रिय टोलीका प्रभावशाली स्ट्राइकर एडिन्सन काभानीलाई भिœयाउन इटालियन सिरिए क्लब इन्टर मिलानले ठूलो चासो देखाएको छ । फ्रेन्च क्लब पेरिस सेन्ट जर्मन (पीएसजी) का काभानीलाई अनुुबन्ध गर्न इन्टरले आकर्षक प्रस्तावसमेत गरेको छ ।
इन्टरले अहिले काभानीले पीएसजीमा प्रतिसिजन पाइरहेको रकममा थप साढे सात मिलियन युुरो दिने प्रस्ताव गरेको हो । हाल काभानीले पीएसजीमा प्रतिसिजन १२ मिलियन युुरो पाइरहेका छन् । ३३ वर्षीय काभानीलाई इन्टर मिलानले प्रस्ताव गरेको रकम इन्टरमा रोमेलुु लुुकाकुु र क्रिस्टियन इरिक्सनले पाइरहेको रकम सरह हो । पीएसजीले हालै मात्र लोनमा खेलिरहेका इन्टरका माउरो इकार्डीसँग चारवर्षे स्थायी सम्झौता गरेपछि काभानीले पीएसजी छाड्ने इन्टरको विश्वास छ ।
पीएसजीले सन् २०१७ मा ब्राजिलियन स्टार नेमार र केलियन एमबाप्पेलाई अनुुबन्ध गरेपछि काभानी छायाँमा पर्दै आएका थिए । गत सिजन इकार्डी लोनमा भित्रिएपछि काभानी पीएसजीको पहिलो रोजाइमै पर्न छाडेका थिए । पीएसजीले इकार्डीलाई स्थायी अनुुबन्ध गरेपछि काभानीमाथि थप संकट पैदा भएको छ । सन् २०१३ मा इटालियन क्लब नापोलीबाट पीएसजीमा आबद्ध भएका काभानीको पीएसजीसँगको सम्झौता यही सिजन सकिँदै छ ।
यसअघि उनले गत जनवरीमै पीएसजी छाडेर स्पेनिस क्लब एट्लेटिको म्याड्रिड जान चाहेको चर्चा चलेको थियो । काभानीकी आमा बेर्टा गोमेजले पनि छोराको नयाँ गन्तव्य स्पेन हुुने बताएकी थिइन् । उनीमाथि अहिले एट्लेटिको, प्रिमियर लिग क्लब म्यानचेस्टर युुनाइटेड, न्युुक्यासल युुनाइटेडलगायत युुरोप बाहिरका क्लबले पनि अनुुबन्धको इच्छा देखाएका छन् ।
तर पनि काभानीलाई अनुुबन्ध गर्ने होडमा इन्टर अगाडि देखिएको फ्रान्स र इटालीका दुुवै देशका सञ्चारमाध्यमले जनाएका छन् । काभानीले पनि सन् २०२२ को विश्वकपसम्म युुरोप छाडेर आफू अन्त नजाने बताउँदै आएका छन् । उनको अर्को इच्छा च्याम्पियन्स लिग खेल्ने क्लबमा मात्र जाने रहेको छ । इन्टरको प्रस्तावलाई काभानीले के गर्लान् भन्ने चासो अहिले बढेको छ ।
कीर्तिमानी गोलकर्ता काभानीको प्रदर्शन पीएसजीमा पनि दमदार छ । आठ सिजन पीएसजीमा खेलेका उनले पीएसजीका लागि तीन सय २१ खेल खेल्दै एक सय ९९ गोल गरेका छन् । सन् २००८ देखि उरुग्वे राष्ट्रिय टोलीका प्रमुुख खेलाडी काभानीले देशका लागि एक सय १६ खेल खेल्दै ५० गोल गरेका छन् ।
