नेपालमाला
३ फाल्गुन २०८०, बिहीबार 
काठमाडौं : नमुना मच्छिन्द्रका सेनन पाख्रिन तामाङले प्रथम विद्यालयस्तरीय तेक्वान्दो प्रतियोगिताको जुनियर पुरुष ६८ केजीमुनि बिहीबार स्वर्ण जितेका छन् । सेननले फाइनलमा श्री विष्णुदेवीका अंकित राईलाई पराजित गर्दै स्वर्ण पदक जितेका हुन् ।
चिल्ड्रेन एन्ड क्याडेटको पुरुष ३१ केजीमुनि रोनक कामत तथा ३३ केजीमुनि श्री विष्णुदेवीकी राकेश घिसिङले पहिलो स्थान हात पारे ।
चिल्ड्रेन एन्ड क्याडेटको महिला ३३ केजीमुनि विजेश्वरी ज्ञान मन्दिरकी एलिना थापा मगर तथा जुनियर महिला ४२ केजीमुनि स्टेपिङ स्टोनकी प्रीति सिंह, ४४ केजीमुनि विश्व निकेतनकी रोजिना लामा र ४६ केजीमुनि विजेश्वरीकी एलिना विष्टले स्वर्ण हासिल गरे ।
शनिबारसम्म सञ्चालन हुने प्रतियोगितामा ५८९ पुरुष र ३४७ महिला गरी ९३६ जना खेलाडीले ६८ स्वर्ण पदकका लागि प्रतिस्पर्धा गरिरहेका छन् । जसमा पुम्सेमा ३० र ग्योरोगीमा ३८ स्वर्ण रहेको छ ।
