नेपालमाला
२ भाद्र २०८०, शनिबार काठमाडौँ : नेपाल राष्ट्रिय मुवाँथाई संघको शुक्रबार प्रथम अधिवेशनले गणेशलाल कक्षपतिको अध्यक्षतामा १५ सदस्यीय कार्यसमिति चयन गरेको छ । वरिष्ठ उपाध्यक्षमा उमेशकुमार खड्का, प्रथम उपाध्यक्षमा निलम अधिकारी, महासचिवमा मनराज श्रेष्ठ, सचिवमा उत्तम गुरुङ र कोषाध्यक्षमा वीरेन्द्र ओली चुनिए ।
सदस्यमा सन्तोष घलान, धनकृष्ण श्रेष्ठ, मनीष लिवी, साजन माली, तुलसी थापा मगर, विकास खड्का, जितु शाही, रमा राई, कविकृष्ण मधुकर्मी र देवराज श्रेष्ठ चयन भए । शुक्रबारै बसेको संघको बैठकले दीपक गोदार, राजेश महर्जन, अतित भण्डारी, भूपेश शाक्य र राजु राईलाई उपाध्यक्ष तथा विजी ठकुरी, खगेन्द्र क्षेत्री र दीपक तामाङलाई सचिवमा मनोनीत गरेको छ । विजय गुरुङ, विगेन दराईं, अनिल श्रेष्ठ र दिलबहादुर ठोकर सदस्यमा मनोनीत भए ।
