नेपालमाला
४ मंसिर २०७९, आईतवार डडेलधुरा : प्रधानमन्त्री एवं नेपाली कांग्रेस सभापति शेरबहादुर देउवाले प्रतिनिधि सभा तथा प्रदेश सभा निर्वाचनका लागि डडेल्धुरामा मतदान गरेका छन । उनले गन्यापधुरा गाउँपालिकाको असिग्राम मावि रुवाखोलामा रहेको मतदान केन्द्र ‘ख’ बाट मतदान गरेका हुन ।
उनी डडेलधुराबाट प्रतिनिधि सभा सदस्यमा उम्मेदवार छन् । आफूले मतदान गरेका तस्वीर सामाजिक सञ्जालमा राख्दै देउवाले भनेका छन्, ‘मैले मतदान गरे, तपाईँहरु पनि मतदानमा सहभागी हुनुहोला ।’
देउवाले आफूले मतदान गरेको भन्दै आम मतदातलाई मतदानमा सहभागी हुन अनुरोध गरे । देउवाले मतदानपछि सामाजिक सञ्जालमा भनेका छन्, ‘मैले मतदान गरें, तपाईहरु पनि मतदानमा सहभागी हुनुहोला ।’
देउवाले मतदानपछि स्थानीयसँग छलफल गरेका छन् । देउवा हरेक निर्वाचनमा जन्मथलो रूवाखोलाबाट नै मतदान गर्दै आएका छन् ।
