नेपालमाला
२९ चैत्र २०७८, मंगलवार 
चितवन : नेपाली कांग्रेसको भरतपुर महानगरपालिका अन्तर्गत २९ वटै वडाका सभापतिहरुले विद्रोहको चेतावनी दिएका छन् । कांग्रेसको महानगर वडा समितिका सभापतिहरुको बैठकले भरतपुर महानगरपालिकाको मेयर कांग्रेसले नपाए सबै वडामा स्वतन्त्र उम्मेदवार खडा गर्ने निर्णय गरेको हो । बैठकले चुनावी तालमेलका क्रममा भरतपुर महानगरको मेयर छाड्ने निर्णय केन्द्रबाट भए सबै वडामा विद्रोह गर्ने निर्णय गरेको हो । औपचारिक निर्णयसहितको ज्ञापनपत्र कांग्रेस जिल्ला सभापति राजेश्वर खनाललाई बुझाइएको छ ।
भरतपुरको वडा नम्बर. १५ का कांग्रेस सभापति राजेन्द्र साँखीका अनुसार स्थानीय जनताको भावना विपरीत हुने निर्णय मान्न बाध्य नहुने बताए । केन्द्रले भरतपुरको मेयर अरु पार्टीलाई दिए सबै वडामा कांग्रेसको उम्मेदवार खडा गर्ने र गठबन्धनको निर्णय अस्वीकार गर्ने साँखीको भनाई छ । आज भेलामा २५ वडाका सभापतिहरु सहभागि थिए । प्राविधिक कारण अनुपस्थित रहेका अन्य ४ वडा सभापतिले पनि निर्णयमा सहमति जनाएका छन् ।
