एमसीसी विरोधी प्रदर्शनमा रबरको गोली प्रहार

काठमाडौं : अमेरिकी सहयोग परियोजना एमसीसीको विरोधमा चर्किएको सडक आन्दोलनमा प्रहरीले गोली चलाएको छ ।

बानेश्वर क्षेत्रमा भइरहेको प्रदर्शनले उग्र रुप लिएपछि प्रहरीले रबरको गोली चलाएको हो । अहिले पनि विजुलीबारदेखि बानेश्वरसम्मको क्षेत्र तनावग्रस्त छ ।

प्रहरीमाथि निरन्तर आक्रमण हुन थालेपछि प्रतिरक्षाका लागि रबरको गोली प्रहार गरेको प्रहरीले जनाएको छ। एमसीसीको विरोधमा उत्रिएका प्रदर्शनकारीमाथि प्रहरीले आइतबार सयौं आश्रुग्याँस प्रहार गरेको थियो।